NYIMBO CIA IBUKU 190 - 214

    HINDI INO NDI NA MWIRI   1.  Hindi ino ndi na mwiri,  Ngiruira ma njugaga  Thi-ino na iguru icio niigathira  Mwathani ni igai riakwa.    2.  Thi ino ndi rugendo-ini,  Mugendi ndakahuruke.  Roho Mutheru no mathaithana,  Giti-ini gia Ithe witu.     3.  Kirigiriro giakwa ni muoyo,  Uria utagathira.  Mothamaki makirie guthira.  Mwathani ni igai riakwa.     4.  Ninjui thiini wakwa,  Titheru kuri-uthamaki.  Roho wa muoyo nduire njugaga,  Mwathani ni igai riakwa.     5.  Riria ndari muthini,  Utari na kirigiriro.  Mwathani wakwa niwe wanjoire.  Titheru ni igai riakwa.     6.  Riu ndi moko-ini make.  Nganja na guoya gutiri.  Roho wa muoyo no ndure njugaga  Mwathani ni igai riakwa.     7.  Ngiruira Mwathani,  Njaragia na umiriru  Ngimenyaga ma, guku thi ndiendagwo  Mwathani ni iga...

  RIRIA JESU OIGIRE ATIRI   1.  Riria Jesu oigire atiri,  Nindarikia wira thi.  Nioire mai na iguru,  Agithambia Arutwo ake nyariri.   Turorie maitho na iguru,  Turi ndungata cia Roho,  Umiriru na utheru,  Nicio hinguro cia iguru.     2.  Utuku ucio niahoire.  Na agithithina thakame.  Ya gukura mioyo iitu.  Ukombo-ini wa shaitani.     3.  Ariu a thoguo na ariu a nyukwa.  Na aria mwari thiritu imwe,  Nio makoya kiboko na karamu magutuire.     4.  Riria muthenya ugakinya,  Wa gucoka kwa Mwathani.  Nitugakena muno,  Tukirorera uthiu wake.     5.  Hindi iyo nduriri ciothe,  Niikarira na igirike.  Tondu mundu niakoragio,  Ni Ngai wira uria atuire arutaga.     6.  Tiga kuriganirwo  Kana kugondagirira  Arahuka na ihenya,  Niguo utoragie Caitani.   (Amina)

  MUTHENYA NI UGAKINYA   1.   Muthenya ni ugakinya  Riria ngatiga thi-ino  Ningakugathiriria Jesu     2.  Ndamenya nii ndigakua   Ningainuka iguru.   Kuria guikaraga Araika     3.  Kurathimwo ni Atheru,  Aria marutagwo thi.  Tondu thi-ino ndiri uhuruko     4.  Mwirute na ihenya,  Rugendo-ini ruru  Muthenya wi hakuhi     5.  Mothamaki ma thi ino,  Mariganuirwo mothe  Ni riri wanyu wa iguru    6.  Rutagai mutari na nganja  Wira wake na hinya  Nimukainuka muhuruke     7.  Jehova niaririkanite  Thakame ya muru wake  Iria yaitirwo thi-ino    8.  Ningumwira mutige,   Miiri yanyu yothe thi.   Jesu ni muriithi wanyu.   (Amina)

  IRUGA RIA MBERE RIA GATURUME  1.  Iruga ria mbere ria Gaturume,  Nitwitiitwo ithuothe.  Aria Atheru na mwihokete,  Ritwa ria Jesu witu.     2.  Jesu nietire  Athuri othe, Atumia.  Tukenge  Na Anake Ona Airitu matonye iruga-ini     3.  Karumbeta nigekuhuhwo  Gakwihariria narua.  Niundu wa aria mateiguite,  Maikare meiguite.     4.  Tiganai na aria aregi,  Na aria akararia  Tondu ni mwititwo mutonye,  Iruga-ini itheru     5.  Thomai watho wa urathi,  Muikare mwetereire  Wega mutonye iruga-ini,  Muri na utheru inyuothe    6.  Jesu niarakwenda utonye,  Iruga-ini ria-utheru  Ena wendo munene,  Ukorwo ona we ugakorwo-ho. (Amina)

  MAITHORI NDIRAGA NDI GUKU THI   1.  Maithori ndiraga ndi guku thi,  Ndaririkana Zayuni.  Na ndamenya nama ndahotwo,  Mbara-ini ndigakinya iguru,  Tondu nieraniire  Gukena ni aria makahotana    2.  Nguthii ndihokete mutharaba  Na ciiraniro cia Mwathani.  Gwitu ningakinya mucii wa matu-ini.  Nikuo ngahuruka ngocage Mwathani.  Mukuri kirindi kinya tene.     3.  Kieha na maithori ndiuragia,  Mwathani ni wakwa, wakwa biu.  Na nii ndi wake ma ninjirigiriire  Mathangania ndiri.  Ngoonane na Jesu uthiu na uthiu.     4.  Jesu niathinirio ni njui,  Mutharaba-ini Kalvali  Niguo atuike njira ya mumwihoki nama,  Niakambata iguru.  Mucii wa gikeno, agatura hamwe na ithe witu     5.  Uuii Ngai baba ngwika atia?  Unyite guoko ndaguthaitha.  Tondu ndiri na hinya,  Ngugutua mwihoko wa rugendo ruru  Hotane mbara-ini,  Na ...

  TIGAIKARE MWIRIGITWO  1  Tigaikare mwirigitwo, ngoro-ini cianyu.  Ukirai mwithagathange, guikara utheru-ini.     Muru wa Ngai, Mwathani witu.  Tukumuona uthiu kwa uthiu,  Muru wa Ngai.    2.  Menyai wega mwi rugendo-ini, rwa guthii matu-ini  Tigai mathangania mothe, ngoro-ini cianyu.    3.  Ndamuthaitha mwimenyererei, guikara utheru-ini  Tondu muthenya wi hakuhi, wa Gaturume.     4.  Hindi ino niyo ya kugoca, Mwathani wa atheru.  Tondu Jesu e hakuhi guka, na unene wa Ithe.     5.  Uthamaki wa Gaturume, ni ukahehenja.  Mothamaki mothe ma thi-ino, na mahinya maguo     6.  Hindi ni nginyu munyarirwo, ota Mwathani.  Gikombe kiria anyuiriire, na inyui munyuire kio    7.  Nitukinyite kihikanio-ini, gia Gaturume,  Kihikanio gia gweterera, Mwathani Jesu.   (Amina)

  RIU NDI GUKU THI NDI RUGENDO-INI   1.  Riu ndi guku thi ndi rugendo-ini  Ngihoka Mwathani itari na nganja.  Mwathani wa Muoyo undongoragie.  Mahinda-ini mothe ndi rugendo-ini     2.  Mathina ma thi-ino na mbara cia thi  Ngutoria ndi na we ndi rugendo-ini    3.  Tondu mbara nyingi ona magerio  Nimandigiciirie ndi rugendo-ini     4.  Muthenya ni muku wa gucirithio  Ngoro cia andu aria othe macungite     5.  Muikare utheri-ini mwimenyerere  Ngoro cikarage ciiiguite    6.  Tondu Jesu witu we ni ehariire  Kuiyira ngoro iria ciiiguite     7.  Gikeno kinene mucii wa iguru.  Kia aria me gutoria mbara cia thi-ino.  (Amina)

  JUDASI NIARUMIRWO   1.   Judasi niarumirwo ni Daudi na Roho  Na nyumba yake yothe na ciana    2.  Ritwa riake rierirwo ririganire biu  Ritikanetwo mundu ona ri     3.  Mehia maria ehirie merirwo  Megutuura mandikitwo ibuku ria ciira     4.  Eririire kirumi nakio gikimunyita  Gigitonya nda yake ta maai     5.  Kirumi giatonyire mahindi ma Judasi  Ta ri maguta anyuite na kanua    6.  Mwiri wake ehumbire irumi  Ikimuiyura ta mikiha iiyuire thakame    7.  Roho oigire Judasi  Kirumi gituikage mucibi ehotorage njohero    8.  Ngoro-ini yake thi-ini Kirumi giikarage  Ta ri kio hinya wake na uugi     9.  Icio nicio irathimo Jehova arathimiire  Aria macuukaga andu athingu.   (Amina)

  CIANA CIA ISRAEL CIARINGA IRIA   1.  Ciana cia Israeli  Ciaringa iria itune,  Nĩ Airĩtũ magocire  Jehova nĩgũkena.    2.  Miriamu akĩira Airĩtũ  Nĩtugoce Jehova.  Nĩmoire ndarama,  Na thani iria ng’ambi.  Makĩgoca Jehova,  Me werũ wa Meriba.    3.  Me werũ wa Meriba,  Mahuta na manyota  Manegenirie Musa,  Na makĩruma Ngai.     4.  Ngai akĩira Musa,  Ehere thiĩ-inĩ wao.  Maninwo thondeke angĩ,  Ũmatware Kanani.    5.  Musa agĩthaitha Ngai,  Akĩmwĩra wamanina.  Ndũrĩrĩ cĩothe cia thĩ,  Irĩũgaga ndũrĩ hoti.    6.  Ngai akĩira Musa,  Ugũo nĩndetikia,  No aya matigatonya,  Ciana nĩcio igatonya.    7.  Makinya ma Jehova,  Monanĩrio nĩ Musa.  Na Atũmwo monanirie,  Makinya ma Mwathani.     8.  Roho Mũtheru oigire,  Makinya macio mothe.  Moimbũrĩrwo ndũ...

  NDUMIRIRI NIYAKINYA   1.  Ndumiririri niyakinya, kuri ndungata cia Ngai  Othe meyohanie hamwe, mahanane na ithe witu    2.  Mundu uria ukuremwo, ni wendo wa ngwataniro  Ucio niwe ukuninwo, nimarakara ma Ngai     3.  Mundu ukurega gukira, kweherera mihianano  Roho ekuga niegukira amutigire Shaitini    4.  Mwitheriei mwiharirie, tondu kwina nduma nene  Iria igukorerera, ndungata ciothe cia ngoma.     5.  Ririkanai riria ndatiganiirie andu akwa,  Magiukirirwo ni nyoka, nginya riria mangaiire.     6.  Kiriro mucii wa iguru, kuri ndungata cia Ngai  Tondu wagutungatira, Ngai nyingi muhianano.     7.  Gikeno mucii wa iguru, tondu wa ndungata theru.  Tondu Ngai ni mutheru, ithe na muriu na Roho   (Amina)

  ARIA A GUKU THI MENDAGA KUNGUCIA   1.  Aria a guku thi mendaga kungucia,  Maburu-ini ndi mutumwo nii;  Matingihota ni maremiwo tene.     Ndiri kindu, ndiri kindu;  No mwathani na nii.  Ndiri kindu, ndiri kindu;  No mwathani na nii.    2.  Ndinguthii nao tondu nimanjiraga,  Remaga Ngai tondu ndegukuona;  Utheke na ithui unyite njira ciitu.    3.  Mwathani wakwa eheria macio mothe,  Gwaku Zayuni nindaririka;  Honokia ndetikia ndikamaka.     4.  Ndiri na indo nyonaga kwa mathina  Mathekagirira mahinda ikumi na rimwe,  Kirimu giki thii na uhoro waku.    5.  Narua , narua ciana cia guku thii-ino,  Tondu ihinda nirikuhiriirie,  Magomanaga makienda kungucia.   (Amina)

  MUTHENYA URIA NGAKUA  1.  Muthenya uria ngakua,  Ningakena muno ndoima mwiri-ini,  Tondu thina muingi  Na mbara cia thi-ino,  Ciendaga kundunya muoyo.    2.  Mwathani wa muoyo ningucuthiririe,   Na ngakwihoka mathina ma thi-ino.  Na mbara cia thi-ino ngutoria ndinawe nama    3.  Ngukenera thina na mbara cia thi-ino,  Tondu ndatoria.  Ningaheo thumbi mucii wa matu-ini,  Na ningakenaga muno.     4.  Nguririkana Jesu na mathina make,  Mutharaba-ini atoria mbara cia thi.  Riu ari unene-ini guoko-ini kwa urio kwa Ngai    5.  Roho nietereire aria megutoria  Mbara ya thi-ino,  Kahinda gakinye mambate matu-ini,  Makaheo igai riao.    6.  Gikeno kinene,  Mucii wa matu-ini tugakenaga.  Kieha na maithori niikariganira,  Twaheo thumbi ya muoyo.     7.  Tondu nieraniire aria megutoria  Mbara ya thi-in...

  NDIRI NA UHURUKO  1.  Ndiri na uhuruko,  Ndi guku thi-ino ndi rugendo-ini  Ndorete matu-ini.     Nitukoima thi-ino,  Twambate iguru,  Mucii ucio mutheru niguo tugatura    2.  Mathina ma thi-ino,  Na mbara cia thi-ino,  Ciothe niigathira.     3.  Ikaragai mwi thiini,  Wa Roho Mutheru,  Tondu ena maithori,  Ma ngoro iria iguite.     4.  Roho niaratwira,  Tutige maciira.  Na ndundu ciothe,  Nama niigathira.     5.  Menyai wega nama,  Aria muri thiini.  Wa ngwataniro,  Ndi hamwe na inyui.     6.  Ngumwira nama,  Muiyurwo ni wendo.  Tondu Roho Mutheru,  Aiyuirwo ni wendo.     7.  Thagathagai ngoro   Ciikare utheru-ini.  Tondu Jesu witu,  Ehakuhi.   (Amina)

 NGUGUTHAITHA ITARI KINDU NGAI WAKWA  1.  Nguguthaitha itari kindu,  Ngai wakwa wionanie.  Elija ni aguthaithire,  Agitia mwaki ukiuma iguru.     Ni ndiinaga ndi riera-ini,  Ngai wakwa ndamenya ndigacoka thi     2.  Ngukwira atiriri Jehova,  Kanitha uyu urangire.  Tondu nowe Ngai wakwa,  Mwendani na Ithe wa uthingu.    3.  Joshua niaguthaithire  Hitho ya Akani ikiumbuka  Ithanduku riagacira  Moko-ini ma aria atheru.     4.  Uhoti ni watuikire waku.  Jehova Mutheru,  Ona ngumo na ngatho,  Ni ciaku Ngai wakwa.    5.  Undu uria ngukwira  Ngai kwi na thina, utari itheru.  Riithia ngoro yakwa  Kuria kwina utheru na uhoreri     6.  Ngukwira rugamia utheru  Ware ota riua, ngoro-ini  Aria mehokete ühonokio  Macarie njira ya utheru    7.    Tondu utheru niguo  Ukona Ngai wa tha, ...

 KIAMBIRIRIA KIA UMENYO NI GWITIGIRA NGAI  1.  Kiambiriria kia umenyo  Ni gwitigira Ngai,  Witigire mathani maake,  Mucemanio wa matu-ini  Jesu niakarugama,  Agathiririe uugi waku.     Aria maciarirtwo na uhoro wama,  Matimakaga othe na matiri guoya  Ni Athingu matinainaga  Meragwo ni kihoto;  Umiririai ndi hakuhi.     2.  Jesu munene wa ihoto  Mutongoria Mutheru  Murutani uhoro wama;  Uthingu na kwihokeka  Nicio ehotorete  Akirutana uhoro wama.     3.  Kirindi ni kiagegire  Ni Jesu akirutana,  Na niamakirie Afarisai,  Othe na Andiki marua  Makimuiguira uiru,  Tondu moigaga na matiike.     4.  Mirimu mithemba yothe  Jesu niahonanirie  Aiguirwo uiru akiuragithio;  Muthenya wa itatu ahota  Gikuu agikirwo thumbi  Ya muoyo ni Ithe akenete.     5.  Mwathani niehokeiruo  Watho wa iguru ...

  RUGENDO RWAKWA RWA MUOYO 1.  Rugendo rwakwa rwa muoyo,  Ngakinya iguru.  Ng’endo cia guku thi-ino  Na ikeno cia thi-ino ni ikariganira.     2.  Tene wakwa wothe ndaikarite thi,  Ndiamenyaga wega njira ya muoyo.  No Mwathani wakwa  Muriithi wa muoyo wamenyithirie.    3.  Ikeno cia guku thi-ino itiri bata,  Mwago wa gutoria wi kuria iguru.  Gikeno kia muoyo twanina rugendo tukahuruka    4.  Riria twi guku thi twi rugendo-ini,  Twetereire o kuona muoyo wa iguru.  Gikeno na muoyo wa tene na tene tukona miago     5.  Giikaro kia muoyo tugatonya kuo,  Twanina rugendo na mbara cia thi-ino.  Tugaikara nake Giti-ini kia muoyo tene na tene    6.  Rwimbo rwa gutoria tukaruinaga,  Tukigocaga Jesu Muriithi witu.  Muriithi wa muoyo,  Rwihibo rwa gutoria tukaruinaga.   (Amina)

  MURIITHI NI ONIRE ADAMU AHENIO  1.  Muriithi ni onire Adamu ahenio:  Akiumbura ni agoka enyihie aciaruo  Aringe nyamu ya thi mutwe amihehenje.     2.  Haria iburahimu eriiruo akarute Isaaka kigongona,  Niho eriirwo ni Ngai niakaheo,  Muriithi uri urume.    3.  Muru wa Isaaka wetagwo Jakubu,  Arathimuo ni oimire  Mucii agithii rugendo gugituka akirara njira-ini.     4.  Akoma ni onirio ngathi ni Jehova,  Iturumithitio thi  Na igathesa matu-ini irugamite, Ngai aminyitite.    5.  Musa ni oimburiire andu a Isiraeli,  Muthamaki agaciaruo,  Na aria matakamuigua mamuranio na muoyo wa Ngai.    6.  Jesu niwe ngathi ya kwambata iguru,  Na nduriri iria iri thi,  Ningi niwe Mwathani wa Araika, magiikuruka thi.     7.  Ucio niwe ihiga riri inene ria Koine,  Ria gwaka nyumba yothe;  Na aria rikagwira magathio, ta rukungu rwa t...

  JERUSALEMU MUCII URIA MWEGA  1.  Jerusalemu mucii uria mwega tweriragiria,  Mirango ikumi na iri riu ni mihingure.  Atheru matonye thiini niguo makuhuruke,  Mbara ciothe na mathina manona rugendo-ini.     2.  Ngoro cia andu othe aria atheru niciumite guku thi,  Itonyetio Jerusalemu mucii mwega riera-ini.  Utheru na riri wario ukengaga ta riua,  Ni Ngai witu na Muriu mukuri wa kirindi.    3.  Riu ni aikariire giti athamakire nduriri  Na kihoto kia mathina maria onire guku thi.  Irindi ciothe cia thi-ino ciothe ciarurungana,  Makarira mona Jesu giti-ini gia uthamaki.     4.  Atheru magakenaga mona Jesu agiathana  Mihianano ya guku thi yothe itwarwo mwaki-ini  Nao aria mamihokete noguo magaconoka  Hindi iyo noguo makona mwihoko ni wathira     5.  Tugakenaga twakinya mucii ucio wa uthamaki  Nguo njeru tukaheo na Thumbi cia uthamaki  Kieha na mait...

  KIRURU-INI KIA MUTHARABA   1.  Kiruru-ini kia mutharaba,  Niho ngwenda kwiua riua  Njeterere Muhonokia, ahonokie,  Ahonokie riu, Mukuri wakwa     2.  Ndukagere njira ya miago,  Niyaguthi icua-ini thii-ini  Yathondekeiruo mucukani,  Hamwe na aregi.  Hamwe na aregi riu, Mukuri wakwa     3.  Athuri a tene tene ma, maciaraga ciana na mburi  Magicicariria uhonokio, Ngai amahe  Ngai amahe riu, Mukuni wakwa     4.  Aregi thiii na wega, nii ndiguthii ni ngweterera  Muhonokia ahonokie.  (Amina)

  RUGENDO RWAKWA NI RWA MATHINA   1.  Rugendo rwakwa ni rwa mathina,  Ni nguguthaitha Ngai wakwa (x2).     2.  Atheru akwa riu ndiri na tha,  Wira uyu wakwa nduri itheru (x2).    3.  Jehova Ngai wakwa rugama mbere,  Kanitha waku ndugathire (x2).    4.  Undu uria uri ho mutingiwona,  Uhithitwo thiini wa hitho (x2).     5.  Ngai wa uthingu na wa kihoto,  Rugama mbere Ngai wakwa (x2).     6.  Matuku maria Jesu oigire,  Riu muthenya niguo uyu (x2).    7.  Mwimenyererei gutiri itheru,  Niuguka iguru rianyu (x2).     8.  Ngumwira nama nduriri ciothe,  Riu ni ikuona muri atheru (x2).     9.  Ngwiihitha hari Roho gutiri itheru,  Jehova Ngai wakwa nguka gwaku (x2).  (Amina)

  NYENDAGA KUMENYA KANA NINGAKINYA   1.  Nyendaga kumenya kana ningakinya,  Uthamaki ini ucio wa iguru.  Tondu kuri aingi mendaga gukinya,  Makorira muhuro wa riua.     2.  Jesu nietereire aria othe mendaga kuhonokio.  Nokio atumire Roho guku thi,  Oke acaguranie ngano na thawani,  Ngano iikio ikumbi ria Mwathani.     3.  Ngoma eitaga ngai wa thi-ino yothe  Na niaiyuritie thigari ciake.  We wi wa Ngai kana wi wa ngoma  Wi kurane na maciaro maku.     4.  Magai magaywo aingi makarira,  Maheo bendera cia mwaki-ini  Maingatwo ni Araika marorio mwaki-ini  Tondu nimanyaririre Roho.    5.  Mathani ni ikumi, na watho ni muingi  Ngai aheire ciana cia Adamu,  Amwe ngoma niamaguciriirie  Aregi othe magatwarwo riko.    6.  Jesu hotithia niguo ngakinya gwaku  Na uthererie njira ino wega.  Tondu ngoma ahandite ithuki, na utonga ...

NGAI NIATWENDETE MUNO    1.  Ngai niatwendete muno,  Niarutire muriu,  Oke niguo atukuire,  Tuoherwo mehia maitu.     Niaherithirio muno,  Na akiambwo muti iguru,  Ekirwo maundu macio mothe,  Niundu wa mehia maitu.     2.  Ona gutuika aari muru wa Ngai,  Andu makimurega,  Makimwambithia mutharaba-ini,  Niundu wa mehia maitu.    3.  Mithenya itatu yathira,  Jesu niariukire,  Akionithia arutwo ake,  Agicoka akiambata.     4.  Jesu niarikaniire na arutwo,  Niagatuma muteithia  Oke niguo atutongorie,  Na niwe Roho Mutheru.     5.  Niathire guthondeka cikaro,  Kuu kwa baba iguru,  Niguo aria othe mamwitikagia,  Magaturania nake.   (Amina)

 MWATHANI ATHANIRE   1.  Mwathani athanire, thiii thi yothe,  Mugatuike andu a nduriri ciothe,  Matuike Arutwo akwa     Nuu uguthii akoimbure Jesu?   Anirire uhoro uyu mwega.   Oige, uthamaki wa iguru niukuhiriirie.    2.  Kirindi gia thi-ino, gituike giake.  Jesu ambirwo muti iguru,  Agithinio muno.    3.  Nuu ukuiguira tha? ngiri icio nyingi  Cia andu me nduma-ini, mamenye Jesu.  Niamakuiriire     4.  Ngai wendo waku, guku uhingio,  Ni andu aku othe, moige AMEN.   Oige, uthamaki wa iguru niukuhiriirie.   (Amina)

  ANDU A MUTHAMAKI GOCAI NA HINYA   1.  Andu a Muthamaki gocai hinya,  Tondu Mwathani witu niegucoka guku thi     2.  Tigai kunoga mukigoca Mwathani,  Tondu we ndanogire.  Niundu wa mehia manyu.     3.  Mwathani niakenaga tondu wa ciana ciake,  Hindi iria ikumugoca.  Na nyimbo ikimuinira.   (Amina)